ట్రైగ్లిజరైడ్స్ అనేది మీ రక్తంలో కనిపించే ఒక రకమైన కొవ్వు. మంచి ఆరోగ్యానికి దాని పరిమాణం సాధారణంగా ఉండాలి. శరీరం బర్న్ చేసే క్యాలరీల కంటే ఎక్కువ కొవ్వు తినడం వల్ల ట్రైగ్లిజరైడ్ స్థాయిలు ఎక్కువగా అవుతాయి. చెడు ఆహారపు అలవాట్లు మరియు నిశ్చల జీవనశైలి కారణంగా రక్తంలో ట్రైగ్లిజరైడ్స్ స్థాయిలు పెరుగుతాయని డాక్టర్స్ చెబుతున్నారు. ముఖ్యంగా అధిక కార్బోహైడ్రేట్ ఆహారాలతో ఇది వేగంగా పెరుగుతుంది. వైద్య భాషలో, ఈ సమస్యను హైపర్ ట్రైగ్లిజరిడెమియా అంటారు.
అధిక ట్రైగ్లిజరైడ్స్ స్థాయిలు ధమనులను దెబ్బతీస్తుంది. ఇది స్ట్రోక్, గుండెపోటు మరియు గుండె జబ్బుల ప్రమాదాన్ని పెంచుతుంది. ఇది మెటబాలిక్ సిండ్రోమ్‌లో భాగం కావచ్చు, కొన్నిసార్లు అధిక ట్రైగ్లిజరైడ్‌లు మధుమేహం, హైపోథైరాయిడిజం, కాలేయం లేదా మూత్రపిండాల వ్యాధి వల్ల రావొచ్చు.
రోగనిర్ధారణ కోసం రక్త స్థాయిలను కొలుస్తారు. ట్రైగ్లిజరైడ్స్ స్థాయిల గురించి ఇప్పుడు తెలుసుకుందాం
ట్రైగ్లిజరైడ్స్ యొక్క సాధారణ స్థాయిలు డెసిలీటర్‌కు 150 మిల్లీగ్రాముల కంటే తక్కువ ఉంటుంది.
బోర్డర్ లైన్ లెవెల్స్ అంటే 150 నుండి 199 మిల్లీగ్రాములు పెర్ డెసిలీటర్‌ ఉండడం.
అధికం లేదా హై లెవెల్స్ అంటే 200 నుండి 499 మిల్లీగ్రాములు పెర్ డెసిలీటర్‌ ఉండడం.
చాలా ఎక్కువ లేదా వెరీ హై లెవెల్స్ అంటే 500 మిల్లీగ్రాములు పెర్ డెసిలీటర్‌ లేదా అంతకంటే ఎక్కువ ఉండడం.
పరిధి
1
సాధారణ పరిధి
<150 మిల్లీగ్రాములు
2
బోర్డర్ లైన్
150 నుండి 199 మిల్లీగ్రాములు
3
అధికం లేదా హై లెవెల్స్
200 నుండి 499 మిల్లీగ్రాములు
4
చాలా ఎక్కువ లేదా వెరీ హై లెవెల్స్
>500 మిల్లీగ్రాములు
ట్రైగ్లిజరైడ్స్ తగ్గించడానికి ఉత్తమ మార్గాలు
ట్రైగ్లిజరైడ్లను తగ్గించడానికి ఉత్తమ మార్గాలు బరువు తగ్గడం, తక్కువ కేలరీలు తీసుకోవడం మరియు క్రమం తప్పకుండా వ్యాయామం చేయడం. ఆహారంలో తగిన మార్పులు చేయడం వల్ల మరియు శుద్ధి చేసిన ఆహారాలను నివారించడం ట్రైగ్లిజరైడ్లను తగ్గించడంలో సహాయపడుతుంది. ఆల్కహాల్, రెడ్ మీట్ , గుడ్డు సొనలు మరియు ఫాట్ తీసిన మిల్క్ ఉత్పత్తులలో ఉండే సంతృప్త కొవ్వు వినియోగాన్ని కూడా నివారించండి.
ఈ సమస్యను నివారించడానికి, మీరు మీ బరువును తగ్గించుకోవాలి.
మీ ఆహారంలో ఆలివ్ ఆయిల్ మరియు కనోలా ఆయిల్ ఉపయోగించండి.
ఎరుపు మాంసానికి బదులుగా, మాకేరెల్ లేదా సాల్మన్ వంటి ఒమేగా త్రీ కొవ్వు ఆమ్లాలు కలిగిన చేపలను తినడానికి ప్రయత్నించండి.
ఆల్కహాల్‌లో కేలరీలు మరియు చక్కెర అధికంగా ఉంటాయి మరియు ఇది ట్రైగ్లిజరైడ్లను వేగంగా పెంచుతుంది. మీకు తీవ్రమైన హైపర్ ట్రైగ్లిజరిడెమియా ఉంటే మద్యం సేవించడం మానుకోండి.
