సాధారణంగా ఛాతిలో నొప్పి ఉన్నప్పుడు గుండె పోటు అని అందరు భావిస్తారు. కానీ ప్రతి నొప్పి గుండెపోటు కావాలని లేదు . అనేక ఇతర కారణాల వల్ల కూడా ఛాతీలో నొప్పి కలుగుతుంది . ఛాతీలో నొప్పి రావడానికి గుండెపోటు కాకుండా ఇతర కారణాలు ఏంటో తెలుసుకుందాం.
Table of Contents
జీర్ణకోశ వ్యాధులు
గ్యాస్టిక్ సమస్య వల్ల కూడా ఛాతినొప్పి అనిపిస్తుంది. గ్యాస్, ఎసిడిటీ, ప్యాంక్రియాటైటిస్ వంటి జీర్ణక్రియకు సంబంధించిన సమస్యలు వీటిలో కొన్ని.
1. ఎసిడిటీ (acidity)
ఆహారం తిన్న తర్వాత కడుపులో నొప్పి లేదా బర్నింగ్ సెన్సేషన్ ఉంటే అసిడిటీ కారణంగా ఉంటుంది. అతిగా తినడం లేదా త్వరత్వరగా తినడం ద్వారా, కొన్ని రకాల మందులు వాడుతున్నట్లు అయితే, ఒత్తిడి, స్మోకింగ్ మరియు ఆల్కాహాల్ సేవించడం ద్వారా ఈ సమస్య ఏర్పడవచ్చు. కడుపు ఉబ్బినట్లు అనిపిస్తుంది.
2. గుండెల్లో మంట (heartburn)
గుండెల్లో మంట అనేది రొమ్ము ఎముక వెనుక మంటగా ఉంటుంది.
ఇది యాసిడ్ రిఫ్లక్స్ కారణంగా సంభవించే ఒక రకమైన మంట. జెర్డ్ ప్రాబ్లెమ్ తో (GERD) బాధపడుతున్నవారికి ఆహార పైపులో ఆహారం తిరిగి వస్తుంది. ఈ కారణంగా గుండెల్లో మంట వస్తుంది. హార్ట్ బర్న్ అనే పేరు వినగానే గుండె జబ్బులకి జనాలు రిలేట్ అవుతారు కానీ, గుండెల్లో మంటకి (heartburn) గుండె జబ్బులకి ఎలాంటి సంబంధం లేదు. గుండెల్లో మంట శరీరానికి ఎటువంటి ప్రత్యేక హాని కలిగించదు.
ఈ నొప్పి తరచుగా తిన్న తర్వాత, పడుకున్నప్పుడు లేదా సాయంత్రం వంగి ఉన్నప్పుడు పెరుగుతుంది. తరచుగా, మీ గొంతులో మండే అనుభూతి మరియు మీ గొంతు వెనుక భాగంలో ఆమ్ల రుచి రావొచ్చు (నోటిలో పుల్లటి తేన్పులు)
దీని కారణంగా, మీరు ఆహారాన్ని మింగడానికి కూడా ఇబ్బంది పడవచ్చు. గుండెల్లో మంట ఎప్పుడు వస్తుంది- గుండెల్లో మంట అంటే ఏమిటి:
కొందరిలో గుండెల్లో మంట మొదలై కొంత సమయం తర్వాత దానంతట అదే సరి అవుతుంది, కొందరిలో ఈ సమస్య గంటల తరబడి ఇబ్బంది పెడుతుంది.
ప్యాంక్రియాటైటిస్ అనేది మీ ప్యాంక్రియాస్ యొక్క వాపు. ఫలితంగా, మీరు తీవ్రమైన కడుపు నొప్పిని కలిగిఉంటారు. కొన్నిసార్లు నొప్పి ఛాతి భాగంలో కూడా రావొచ్చు
4. పిత్తాశయంలో రాళ్లు (gallstones)
పిత్తాశయంలో ఏర్పడే చిన్న రాళ్లు అప్పుడప్పుడు కడుపునొప్పితోపాటు ఛాతినొప్పుని కలగచేయవచ్చు. పక్కటెముక క్రింద ఉదరం యొక్క కుడి వైపున నొప్పి రావొచ్చు. ఈ నొప్పి వెనుకకు లేదా కుడి భుజానికి వ్యాపించవచ్చు. రోగి కడుపులో భారాన్ని అనుభవిస్తాడు. వికారం మరియు వాంతులు రావడం జరుగుతుంది. ఆహారం తీసుకున్న తర్వాత వాంతులు మరింత తీవ్రమవుతాయి. పిత్త వాహికలో రాయి జారితే కామెర్లు లేదా తీవ్ర జ్వరం కూడా రావచ్చు.
5. కడుపు అల్సర్లు (Peptic ulcer)
అల్సర్లు కడుపు, అన్నవాహిక లేదా ప్రేగుల యొక్క లైనింగ్‌పై ఏర్పడే పుండ్లు. కడుపులో పుండును ‘గ్యాస్ట్రిక్ అల్సర్‘ అని కూడా పిలుస్తారు. అదేవిధంగా చిన్న ప్రేగు యొక్క భాగంలో ఉన్న పుండును ‘డ్యూడెనల్ అల్సర్‘ అని పిలుస్తారు. ఈ రెండిటి వల్ల వచ్చే నొప్పి ఛాతి భాగంలోకి కూడా రావచ్చు
కడుపు పుండు ఉంటే రాత్రిపూట, ఖాళీ కడుపుతో లేదా తిన్న కొద్దిసేపటికే తీవ్రమైన కడుపు నొప్పి లేదా బర్నింగ్ సెన్సేషన్ లక్షణాలు ఉంటాయి.
పొత్తికడుపు భారం, వికారం, అజీర్ణం కలగొచ్చు .
తీవ్రమైన సందర్భాల్లో రక్తపు వాంతులు మరియు మలం నల్లబడటం కావొచ్చు.
మరియు ఖచ్చితంగా తినడానికి కోరిక లేదు.
శరీర బరువు తగ్గడం గ్యాస్ట్రిక్ అల్సర్ యొక్క లక్షణం. పుండు యొక్క తీవ్రత మరియు రోగి యొక్క పరిస్థితిపై ఆధారపడి, పుండును ఆహారం మరియు జీవనశైలి మార్పులతో తగ్గించవచ్చు . కొంతమందికి ఎండోస్కోపీ అవసరం పడొచ్చు .
గుండె జబ్బులు
1. Heart attack (గుండెపోటు)
ధమనులలో రక్తప్రసరణ పూర్తిగా ఆగిపోయినప్పుడు గుండెపోటు సంభవిస్తుంది. ఆక్సిజన్ లేకపోవడం వల్ల గుండెలోని ఆ భాగం చనిపోవడం ప్రారంభమవుతుంది.
ఛాతీ నొప్పి గుండెపోటులో ఎక్కువ భాగం ఉదయాన్నే సంభవిస్తాయి.
గుండెపోటు సమయంలో ప్రారంభ సంకేతంగా ప్రజలు తరచుగా ఛాతీ నొప్పి లేదా అసౌకర్యాన్ని అనుభవిస్తారు. ఛాతీలో ఒత్తిడి, బిగుతు లేదా భారమైన భావన ఉండవచ్చు. కొందరు వ్యక్తులు ఎడమ చేయి, మెడ, దవడ, వీపు లేదా పొత్తికడుపుకు వ్యాపించే నొప్పిని కూడా అనుభవిస్తారు.
ఛాతినొప్పితో పటు మీకు తరచుగా చెమట పట్టినట్లు అనిపిస్తే, దీని గురించి వెంటనే మీ వైద్యుడిని సంప్రదించండి. ఇది కూడా తీవ్రమైన పరిస్థితులకు సంకేతం కావచ్చు.
వికారం లేదా వాంతులు , కడుపు నొప్పి ఊపిరి సరిగా అందక పోవడం, ముఖం పాలిపోనట్లు ఉండడం, లైట్ హెడెడ్ గా అనిపించడం తదితర లక్సణాలు. ECG గుండెపోటును నిర్ధారించడానికి సూచించబడిన ఉత్తమమైన పరీక్ష.
2. Angina (ఆంజినా)
ధమనులలో కొవ్వు ఫలకాలు ఏర్పడటం కారణంగా వ్యక్తుల రక్తనాళాల మార్గం ఇరుకుగా మారుతుంది. దీనిని కరోనరీ ఆర్డరీ డిసీజ్ అంటారు. అలా వచ్చే గుండె నొప్పిని ఆంజినా అంటారు. గుండెకి రక్త ప్రసరణ సరిగా జరగనప్పుడు ఆంజినా నొప్పి వస్తుంది. ఆంజినా నొప్పి దవడ, చేయి మరియు పైభాగంలో కూడా సంభవిస్తుంది. గుండెకు తగినంత ఆక్సిజన్ అందడం లేదని దీని సంకేతం.
ఆంజినా యొక్క లక్షణాలు
ఆంజినాతో బాధపడుతున్న వ్యక్తి ఛాతీ, చేతులు, దవడ, భుజాలు లేదా మెడలో బిగుతుగా లేదా నొప్పిగా అనిపిస్తుంది. ఊపిరి ఆడకపోవడం, పొత్తికడుపు నొప్పి, చెమటలు పట్టడం, విపరీతమైన అలసట, కళ్లు తిరగడం లేదా మూర్ఛపోవడం వంటి లక్షణాలు కూడా కనిపించవచ్చు . ఆంజినా నొప్పి వ్యాయామం లేదా పని చేసేటప్పుడు కావచ్చు. అతిగా తినడం తర్వాత కూడా ఇది జరగవచ్చు. ఉష్ణోగ్రత చాలా వేడిగా లేదా చాలా చల్లగా ఉన్నప్పుడు లేదా భావోద్వేగ లేదా ఒత్తిడితో కూడిన సంఘటన కారణంగా ఆంజినా నొప్పి కూడా సంభవించవచ్చు. గుండెకు సంబంధించిన అన్ని పరీక్షలను చేయించుకోండి, తద్వారా సరిగ్గా చికిత్స చేయవచ్చు. కొవ్వు పదార్ధాలకు దూరంగా ఉండాలి. మిమ్మల్ని మీరు రిలాక్స్‌గా ఉంచుకోవడానికి ప్రయత్నించండి. అంతే కాకుండా హై బీపీ, షుగర్ అదుపులో ఉంచుకోవాలి.
3. మిట్రల్ వాల్వ్ ప్రోలాప్స్ (MVP or mitral valve prolapse)
మిట్రల్ వాల్వ్ ప్రోలాప్స్ అనేది జీవితకాల సమస్యగా పరిగణించబడుతున్నప్పటికీ, ఈ పరిస్థితి ఉన్న కొందరు వ్యక్తులు ఎటువంటి లక్షణాలను చూపించరు. కానీ కొంతమందిలో, ఛాతీ నొప్పి మరియు గుండె దడను కలిగిఉంటారు. మీ మిట్రల్ వాల్వ్ సరిగ్గా పనిచేయనప్పుడు, రక్తం వాల్వ్ ద్వారా వెనుకకు లీక్ అవుతుంది. దానిని మిట్రల్ వాల్వ్ ప్రోలాప్స్ అని అంటారు .
4. ఆర్టిక్ డిసెక్షన్ (Aortic dissection )
బృహద్ధమని యొక్క గోడ చీలడాన్ని బృహద్ధమని యొక్క విచ్ఛేదనం అంటారు
ఇది శరీరంలో రక్తం లీకేజీకి దారితీస్తుంది. ఫలితంగా, శరీరంలోని అవయవాలు అవసరమైన దానికంటే తక్కువ రక్తాన్ని పొందడం ప్రారంభిస్తాయి.
బృహద్ధమని (aorta) లోపల తీవ్రమైన ఒత్తిడి బృహద్ధమని గోడను చీల్చినప్పుడు ఇది జరుగుతుంది. కొన్నిసార్లు , బలహీనత పొరలు విడిపోయి బృహద్ధమని గోడ చీలిపోతుంది.
బృహద్ధమని విచ్ఛేదనం యొక్క లక్షణాలను గుర్తించడం చాలా కష్టం, ఎందుకంటే దాని లక్షణాలు గుండెపోటు సమయంలో కనిపించే వాటిలాగే కనిపిస్తాయి.
ఛాతీ నొప్పి మరియు ఎగువ వెన్నునొప్పి ఉన్నట్లుగా లక్షణాలు కనిపిస్తాయి. ఈ లక్షణాలు చాలా తీవ్ర స్థాయిలో ఉంటాయి. ఈ సమయంలో రోగి ఛాతీలో ఏదో జరుగుతున్నట్లు మరియు ఛాతీలో ఏదో పగిలిపోతున్నట్లు అనిపిస్తుంది.
దవడ నొప్పి , మెడ నొప్పి ప్రారంభం – ఇది నిరంతరంగా ఉండవచ్చు లేదా అడపాదడపా ఉండవచ్చు.
కడుపు నొప్పి – ఇది తేలికపాటి నుండి తీవ్రమైన వరకు ఉంటుంది.
భుజం నొప్పి
మూర్ఛ లేదా మైకము
శ్వాస తీసుకోవడంలో ఇబ్బంది
వికారం.
వాంతులు
వణుకు
ఇది తక్కువ వ్యవధిలో తీవ్రమైన నష్టాన్ని కలిగిస్తుంది. కాబట్టి చికిత్సకు తక్కువ సమయం ఉంటుంది. దీని కారణంగా రోగి చాలా సమస్యలను ఎదుర్కోవలసి ఉంటుంది, వాటిలో కొన్ని :-
చాలా మందికి దీని గురించి తెలియదు. బృహద్ధమని మీ శరీరానికి గుండె నుంచి రక్తాన్ని సరఫరా చేసే ప్రధాన రక్తనాళం. ఇది మీ గుండె నుండి మరియు మీ ఛాతీ ద్వారా మీ ఉదరం వరకు నడుస్తుంది. కొందరిలో వయసు పెరిగే కొద్దీ పొత్తికడుపులోని బృహద్ధమని గోడ బలహీనపడవచ్చు. సాధారణంగా శరీరంలో ఏవైనా ధమనుల గోడలు బలహీనం పడటం వలన అవి విస్తరిస్తాయి. బృహద్ధమని గోడలు బలహీన పడి వ్యాకోచిస్తే వచ్చే సమస్య బృహద్ధమని సంబంధ అనూరిజం. ఇది చాలా వరకు లక్షణాలను కలిగి ఉండదు/ ఇది కొన్నిసార్లు ఛాతీ నొప్పికి కూడా కారణమవుతుంది. ఇది కొన్నిసార్లు అంతర్గత రక్తస్రావం ప్రమాదాన్ని పెంచుతుంది.
6. Pericarditis (పెరికార్డిటిస్)
పెరికార్డియం అంటే గుండె చుట్టూ ఉండే సంచి.పెరికార్డియల్ శాక్ రెండు పొరలను కలిగి ఉంటుంది.రెండు పొరల మధ్య తక్కువ మోతాదులో ద్రవం ఉంటుంది ఇది మన హృదయాన్ని ఇన్సులేట్ చేస్తుంది.
పెరికార్డిటిస్ అనేది పెరికార్డియం యొక్క వాపు. ఛాతీ నొప్పి తరచుగా ఉంటుంది. దీనిలో మన గుండె చుట్టూ ద్రవంతో నిండిన కణజాలం ఏర్పడుతుంది ,
పెరికార్డిటిస్ యొక్క ప్రధాన కారణాలలో TB ( క్షయవ్యాధి), క్యాన్సర్ , రేడియోథెరపీ, వైరల్ ఇన్ఫెక్షన్ లేదా ఊపిరితిత్తులు మరియు గుండెలో ఏదైనా ఇన్ఫెక్షన్ కోసం ముందస్తు చికిత్స పొందకపోవడం కూడా దీనికి కారణం కావచ్చు. ఈ నొప్పి ఛాతీ మధ్యలో ఉంటుంది. నొప్పి మెడ మరియు భుజాలకు, మరియు కొన్నిసార్లు, చేతులు మరియు వెనుకకు ప్రసరిస్తుంది. ఇది కాకుండా, ఇది పడుకోవడం, దగ్గడం లేదా మింగడంలో కూడా ఇబ్బందిని కలిగిస్తుంది.
తేలికపాటి జ్వరం, హార్ట్ బీట్ ఎక్కువ అవ్వడం కూడా జరుగుతుంది. ఇది అంత ప్రమాదకరమైన జబ్బు కాదు
కండరాల మరియు అస్థిపంజర సంబంధ జబ్బులు
ఛాతీ భాగంలో నొప్పికి ఎముకలు, కండరాల సమస్యలు కూడా కారణం కావచ్చు.
1. కోస్టోకొండ్రైటిస్ (costochondritis)
మీ పక్కటెముక మరియు రొమ్ము ఎముకలను కలిపే జాయింట్ ఎర్రబడినప్పుడు కోస్టోకొండ్రైటిస్ అని అంటారు . ఇది మీ ఛాతీ మరియు ఎడమ పక్కటెముకలో పదునైన నొప్పిని కలిగిస్తుంది. ఇది ఆ ప్రాంతంలో గాయం లేదా ఒత్తిడి లేదా ఇన్ఫెక్షన్ వల్ల రావచ్చు . గాఢ శ్వాస, దగ్గు, శ్రమ మరియు పై శరీర కదలిక నొప్పిని మరింత ఎక్కువ చేస్తాయి. బరువును ఎత్తడం లేదా కఠినమైన వ్యాయామాలు చేయడం వల్ల కూడా ఇది కలగొచ్చు. కొన్ని రోజులు లేదా వారాలలో తగ్గిపోతాయి మరియు సాధారణంగా ఎక్కువ కాలం ఉండవు. ఇది తీవ్రమైన సమస్య కాదు మరియు ఇది పెయిన్ కిల్లర్స్‌తో తగ్గిపోతుంది
2. పక్కటెముక ఫ్రాక్చర్ (rib fracture)
పక్కటెముకల ఎముకలో పగుళ్లు ఏర్పడినప్పుడు లేదా ఎముక విరిగిపోయినప్పుడు, దానిని విరిగిన పక్కటెముక అంటారు. ఈ గాయం పడిపోవడం, ప్రమాదం లేదా ఆడుతున్నప్పుడు పడిపోవడం వంటి ప్రమాదం కారణంగా సంభవించవచ్చు. శ్వాస సమయంలో ఛాతీ నొప్పి ఉంటుంది. లోతైన శ్వాస తీసుకోవడం మరింత ఇబ్బందిని కలిగిస్తుంది. నవ్వడం, దగ్గు లేదా తుమ్ములు కూడా తీవ్రమైన నొప్పిని కలిగిస్తాయి. లక్షణాలు కూడా విరిగిన పక్కటెముక స్థానాన్ని బట్టి ఉంటాయి.
వంగడంలో లేదా తిరగడంలో ఆకస్మిక నొప్పి ఉంటుంది.
మీరు పొరపాటున విరిగిన పక్కటెముకతో ఉన్న ప్రాంతాన్ని తాకినట్లయితే, నొప్పి తీవ్రం అవుంతుందని గమనించాలి
విరిగిన పక్కటెముక చుట్టూ వాపు మరియు ఎరుపు కూడా ఉంటుంది. పక్కటెముక విరిగిందని మీరు అనుకుంటే, వెంటనే వైద్యుడిని సంప్రదించడం మంచిది. వారు
ఛాతీ ఎక్స్-రే చేయించడం జరుగుతుంది. నొప్పి నుండి ఉపశమనం పొందడం కోసం డాక్టర్ మీకు కొన్ని నొప్పి మందులు ఇవ్వవచ్చు. మందులు పని చేయకపోతే, డాక్టర్ మీకు ఇంజెక్షన్లు కూడా ఇవ్వవచ్చు.
3. ఛాతీ కండరం బెణుకు
ఛాతీ కండరం కి గాయాలు కలిగితే, ఛాతి నొప్పి రావొచ్చు. ముఖ్యంగా మీరు కదిలేటప్పుడు మీ కండరాలలో తీవ్రమైన నొప్పిని సృష్టించగలవు, . మీకు వాపు మరియు గాయాలు కూడా ఉండవచ్చు. పెయిన్ కిల్లర్స్ తో ఇది తగ్గిపోతుంది
ఊపిరితిత్తుల సంబంధ జబ్బులు
మీ ఊపిరితిత్తులు ఆక్సిజన్‌ను ఫిల్టర్ చేసి మీ శరీరానికి అందిస్తాయి. ఊపిరితిత్తులు శరీరంలో అత్యంత ముఖ్యమైన భాగం.
ఆరోగ్యంగా ఉండాలంటే ఊపిరితిత్తులపై ప్రత్యేక శ్రద్ధ తీసుకోవాలి. ఊపిరితిత్తుల సమస్య కూడా ఛాతీ నొప్పికి కారణం కావొచ్చు.
1. పల్మనరీ ఎంబోలిజం
పల్మనరీ ఎంబోలిజం (pulmonary embolism or PE) అనేది ఊపిరితిత్తులలో రక్తం గడ్డకట్టడం. ఇది శరీరంలోని కాళ్ళ భాగంలో గడ్డకట్టిన క్లాట్స్ (deep vein thrombosis) వంటివి రక్తప్రవాహంలో ప్రయాణించి, ఊపిరితిత్తుల రక్తనాళాలలో చేరినప్పుడు సంభవిస్తుంది. ఈ క్లాట్స్ ను ఎంబోలస్ (embolus) అంటారు. పల్మనరీ ఎంబోలిజం ఊపిరితిత్తులకు రక్త ప్రవాహాన్నిప్రణతక స్థాయికి తగ్గించవచ్చు. ఆక్సిజన్ స్థాయిలను అమాంతంగా తగ్గిస్తుంది. పల్మనరీ ధమనులలో (గుండె నుండి ఊపిరితిత్తులకు రక్తాన్ని తీసుకువెళ్ళే ధమనులు) రక్తపోటు పెరుగుదలకు కూడా కారణమవుతుంది. ఇది చాల ప్రమాదకరమైన జబ్బు.
శ్వాస ఆడకపోవుట, దగ్గు తో పాటూ ఛాతీలో నొప్పి పల్మోనరీ ఎంబోలిజం యొక్క లక్షణాలు.
2. ఉబ్బసం: ఆస్తమా or Asthma
ఏ వ్యక్తికైనా శ్వాసనాళాల్లో లేదా ఊపిరితిత్తుల గొట్టాలు సన్నబడి, శ్వాస తీసుకోవడంలో ఇబ్బంది ఏర్పడినప్పుడు వ్యాధిని ఆస్తమా అంటారు. ఆస్తమా వంటి వ్యాధి ఒక వ్యక్తికి వస్తే, అది జీవితాంతం ఉంటుంది. శ్వాస ఆడకపోవడం, పిల్లికూతలు , విపరీతమైన దగ్గు దీని ప్రధాన లక్సణాలు. కానీ ఛాతి బిగుతుగా కూడా అనిపించవచ్చు
3. COPD (క్రానిక్ అబ్స్ట్రక్టివ్ పల్మనరీ డిసీజ్)
క్రానిక్ అబ్స్ట్రక్టివ్ పల్మనరీ డిసీజ్ అనేది ఊపిరితిత్తుల వ్యాధి. COPD రోగికి శ్వాస తీసుకోవడంలో ఇబ్బంది ఉంటుంది మరియు ఆక్సిజన్ అతని శరీరానికి పూర్తి పరిమాణంలో చేరదు. ఇది ఉబ్బసం కంటే తీవ్రమైన వ్యాధి.
తరచుగా ప్రజలు ఆస్తమా మరియు COPDలను ఒకే వ్యాధిగా భావిస్తారు ఎందుకంటే అవి రెండూ ఒకే విధమైన లక్షణాలను కలిగి ఉంటాయి. COPD వ్యాధికి ప్రధాన కారణాలలో కాలుష్యం, ధూమపాన వ్యసనం అతి ముఖ్యమైనవి.
COPDలో, రోగికి శ్వాస తీసుకోవడంలో ఇబ్బంది, లోతైన శ్వాస తీసుకోవడం, కఫం, దగ్గు తో పాటూ ఛాతీ బిగు ఉంటాయి .
4. పల్మనరీ హైపర్‌టెన్షన్ (Pulmonary hypertension)
పల్మనరీ హైపర్‌టెన్షన్ అనేది మీ గుండె నుండి మీ ఊపిరితిత్తులకు దారితీసే ధమనులలో అధిక రక్తపోటు. ఇది మీ సాధారణ అధిక రక్తపోటు సమస్యకు భిన్నంగా ఉంటుంది. ఇది మీ ఊపిరితిత్తులలోని ధమనులను మరియు మీ గుండె యొక్క కుడి వైపున ప్రభావితం చేస్తుంది. పల్మనరీ హైపర్‌టెన్షన్ వెనుక ఉన్న ప్రధాన కారణాలలో జీవనశైలికి ముఖ్యమైన పాత్ర ఉంది.
5. న్యుమోనియా – ఛాతీలో ఇన్ఫెక్షన్
న్యుమోనియా (pneumonia) అనేది ఒక రకమైన ఇన్ఫెక్షన్, ఇది సాధారణంగా బ్యాక్టీరియా, వైరస్‌లు లేదా ఫంగస్ వల్ల వస్తుంది. న్యుమోనియా ఒకటి లేదా రెండు ఊపిరితిత్తులలో వాపును కలిగిస్తుంది. న్యుమోనియా సమయంలో, alveoli ఉబ్బడంతో పాటు చీము లేదా ఇతర ద్రవాలతో నిండిపోతాయి. దీని కారణంగా శరీరానికి తగినంత ఆక్సిజన్ అందదు. న్యుమోనియా ఎవరికైనా రావచ్చు, అయినప్పటికీ, ఇది ప్రధానంగా చిన్నపిల్లలు మరియు వృద్ధులలో వారి రోగనిరోధక శక్తి బలహీనంగా ఉండడం వాళ్ళ తరచుగా వస్తుంటుంది. కొంతమందికి న్యుమోనియా లక్షణాలు మైల్డ్ గా ఉండొచ్చు, మరికొందరికి అత్యవసర పరిస్థితుల్లో ఆసుపత్రిలో చేరవలసి ఉంటుంది. తీవ్ర జ్వరం,చలి, శ్వాస సమస్య, తో పాటూ శ్వాస తీసుకుంటున్నప్పుడు లేదా దగ్గు ఉన్నప్పుడు ఛాతీ నొప్పి , న్యుమోనియా యొక్క లక్షణాలు.
5. ఊపిరితిత్తుల క్యాన్సర్ (Lung cancer)
ఊపిరితిత్తుల క్యాన్సర్‌కు సిగరెట్ తాగడం మొదటి కారణం. అయితే ఈ క్యాన్సర్ గుట్కా, పొగాకు మొదలైన ఇతర మత్తుపదార్థాల వినియోగం వల్ల కూడా వస్తుంది. ఊపిరితిత్తుల క్యాన్సర్ ఇతర రకాల పొగాకును (పైపు లేదా సిగార్ వంటివి) ఉపయోగించడం, సెకండ్‌హ్యాండ్ పొగకు గురికావడం, ఇంట్లో లేదా కార్యాలయంలో ఆస్బెస్టాస్వంటి పదార్ధాలకు గురికావడం మరియు ఊపిరితిత్తుల క్యాన్సర్ యొక్క కుటుంబ చరిత్రను కలిగి ఉండటం వలన కూడా సంభవించవచ్చు. మీకు ఏ రకమైన ఊపిరితిత్తుల క్యాన్సర్ ఉందో దాని ఆధారంగా మీ వైద్యుడు చికిత్సను నిర్ణయిస్తారు.
సుదీర్ఘ దగ్గు , ఛాతీలో నొప్పి, శ్వాస తీసుకోవడంలో ఇబ్బంది , కారణం లేకుండా బరువు తగ్గడం ఊపిరితిత్తుల క్యాన్సర్ లక్షణాలు.
ఇతర కారణాలు
1. షింగిల్స్ (Shingles or herpes zoster)
ఇది అమ్మోరును (చికెన్‌పాక్స్‌) కలుగచేసే వరిసెల్లా-జోస్టర్ అనే వైరస్ వల్ల వస్తుంది. ఇది ఛాతీ నొప్పితోటు మీ మొండెం ఎడమ లేదా కుడి వైపున బొబ్బర్లు కలుగచేస్తుంది . మీ శరీరం యొక్క ఒక వైపు దద్దురు స్ట్రిప్‌గా కనిపిస్తాయి . షింగిల్స్ తీవ్రమైన పరిస్థితి కాదు కానీ చాలా బాధాకరంగా ఉంటుంది. ఎర్రటి బొబ్బలు, దురద , జ్వరం కూడా ఉంటాయి . 50 ఏళ్లు పైబడిన వారిలో షింగిల్స్ సాధారణం. కొందరిలో పొక్కులు తగ్గిన తర్వాత కూడా నొప్పి ఎక్కువసేపు ఉంటుంది. ఈ పరిస్థితిని పోస్ట్‌హెర్పెటిక్ న్యూరాల్జియా అంటారు. షింగిల్స్‌కు మీ డాక్టర్ యాంటీవైరల్ మందులను సూచిస్తారు.
2. Panic attack (పేనిక్ అటాక్ మరియు డిసార్డర్)
పానిక్ అటాక్ ని యాంగ్జయిటీ అటాక్ అని కూడా పిలుస్తారు. ఇది ఒక మానసిక రుగ్మత. చిన్న చిన్న విషయాలకు కూడా పానిక్ అట్టాక్ల్ లో ఒక వ్యక్తి అకస్మాత్తుగా భయపడతాడు. దాని గురించి ఎక్కువగా ఆందోళన చెందుతాడు.
మీరు తీవ్ర భయాందోళనకు గురైనప్పుడు, మీరు విపరీతంగా చెమటలు పట్టవచ్చు, శ్వాస తీసుకోవడంలో ఇబ్బంది పడవచ్చు మరియు మీ గుండె పరుగెత్తుతున్నట్లు అనిపిస్తుంది. ఛాతి నోప్పి కూడా వస్తుంది
చాలా మంది ఛాతీ నొప్పిని గుండెపోటుతో ముడిపెడతారు. కానీ ఇది ఎక్కడో ఊపిరితిత్తులకు లేదా అసిడిటీకి సంబంధించిన సమస్యకు సూచన కావచ్చు. అందుకే మీకు ఛాతీ నొప్పి ఉంటే,సమస్య ఎక్కడ వుందో తెలుసుకోవాలి . ఈ నేపథ్యంలో వెంటనే అప్రమత్తం కావాల్సిన అవసరం ఎంతైనా ఉంది. వాస్తవానికి, ఛాతీ నొప్పి కారణంగా ప్రజలు తరచుగా గందరగోళానికి గురవుతారు.
ఛాతి నొప్పికి ఏమేమి టెస్ట్స్ అవసరం
మీ లక్సణాల ఆధారంగా మీ డాక్టర్ మీకు కొన్ని పరీక్షలు చేయిస్తారు
