ప్రస్తుతం కాలంలో కిడ్నీలో రాళ్ల (kidney stones) సమస్య చాలా ఎక్కువైంది. ఆహారంలో ఎక్కువగా ఉప్పు తీసుకోవడం లేదా నీరు తక్కువగా తాగడం కారణంగా కిడ్నీ స్టోన్స్ ఏర్పడొచ్చు.
మీ వద్ద ఉన్న రాయి రకాన్ని బట్టి, ఆక్సలేట్‌లు, ప్యూరిన్లు లేదా ఫాస్ఫేట్‌ల వంటి రాయిని ఏర్పరిచే పదార్థాల వినియోగాన్ని తగ్గించే వ్యక్తిగత ఆహార ప్రణాళికను రూపొందించాలి . దీని కోసం మీ కిడ్నీ స్టోన్ ఏ రకమైనదో మీకు తెలుసుండాలి.
Table of Contents
ఉప్పు అధికంగా వేసిన ఆహారాలు తినడం మానివేయాలి
అధిక శాతం ఉప్పు తీసుకోవడం మూత్రంలో ఎక్కువ కాల్షియం కోల్పోయేలా చేస్తుంది. ఇది రాళ్లు ఏర్పడటానికి దోహదం చేస్తాయి.
పచ్చళ్ళు, చీజ్, బటర్, పిజ్జాలు, ఫ్రైడ్ రైస్ మరియు నూడుల్స్ లాంటి ఆహారాలను తినకూడదు. ఇంట్లో వండుకునే ఆహారాలలో ఉప్పును తక్కువ వినియోగించాలి.
అప్పడాలు , చిప్స్ , సాల్టెడ్ నట్స్ మరియు ఉప్పగా ఉండే స్నాక్స్ వంటివి అధిక మొత్తంలో సోడియాన్ని కలిగి ఉంటాయి. కాబట్టి తినొద్దు.
మాంసం ఆధారిత ప్రోటీన్ తినడం తగ్గించుకోవాలి
మటన్, చికెన్ లను కూడా తినడం బాగా తగ్గించాలి. బీఫ్, పోర్క్ లను కూడా. కొన్ని రకాల చేపలు కూడా తినకూడదు. మాంసం ఆధారిత ప్రోటీన్ అధికంగా ఉన్న ఆహారం మూత్రాన్ని మరింత అసిడిక్ గా మారుస్తుంది. ఆసిడ్ మూత్రం కాల్షియం ఆక్సలేట్ రాళ్లు ఏర్పడటానికి దారితీస్తుంది
మాంసం వినియోగం యూరిన్ సిట్రేట్ స్థాయిలలో తగ్గుదలకు దారితీస్తుంది. సిట్రేట్ అనేది రాళ్లను ఏర్పరచకుండా నిరోధిస్తుంది. అంతేకాకుండా జంతు మాంసకృత్తులు మూత్రంలో కాల్షియం విసర్జనను పెంచుతాయి.మాంసం లో ప్యూరిన్లు అధికంగా ఉంటాయి. జీర్ణక్రియ ప్రక్రియలో శరీరం ప్యూరిన్‌లను విచ్ఛిన్నం చేసినప్పుడు, యూరిక్ యాసిడ్ అనే వ్యర్థ ఉత్పత్తిని ఎక్కువగా ఉత్పత్తి చేస్తుంది. ఇది కూడా కిడ్నీ స్టోన్స్ కి కారణం.
కెఫీన్
కాఫీ, టీ మరియు కోల్డ్ డ్రింక్స్ వంటివి తక్కువగా తీసుకోండి. ఎక్కువ కెఫైన్ ని తీసుకోవడం ద్వారా శరీరం డిహైడ్రేటెడ్ అవుతుంది.
ఆల్కహాల్
ఆల్కహాల్ తీసుకోవడం ద్వారా శరీరం డిహైడ్రేటెడ్ అవుతుంది. ఇది రాయి ఏర్పడే ప్రమాదాన్ని పెంచుతుంది. వీటిలో, ముఖ్యంగా బీర్ లో ప్యూరిన్ కూడా ఎక్కువగా ఉంటుంది. ఇది యూరిక్ యాసిడ్ ఫార్మేషన్ కు దారితీస్తుంది.
అధిక ఫ్రక్టోజ్ కార్న్ సిరప్
అధిక ఫ్రక్టోజ్ కంటెంట్ ఉన్న ఆహారాలు మరియు పానీయాలు యూరిక్ యాసిడ్ ఉత్పత్తిని పెంచుతాయి.మూత్ర విసర్జనలో కాల్షియం మరియు యూరిక్ యాసిడ్ పెరుగుదలకు దారితీయవచ్చు. సోడా వంటి శీతల పానీయాలు, ప్రొసెస్డ్ రసాలు , తియ్యటి ఆహారాలు మరియు ప్రాసెస్ చేసిన స్నాక్స్ లో ఇవి అధికంగా ఉంటాయి. వీటిని తీసుకోవడం పరిమితం చేయండి.
ప్రాసెస్ చేయబడిన మరియు స్వీట్లు
ప్రాసెస్ చేయబడిన ఆహారాలు తరచుగా అధిక స్థాయిలో సోడియం, అనారోగ్య కొవ్వులు కలిగి ఉంటాయి. చక్కెర కలిగిన ఆహారాలను ఎక్కువగా తీసుకోవడం వల్ల ఊబకాయం మరియు ఇన్సులిన్ నిరోధకత ఏర్పడవచ్చు, ఈ రెండూ యూరిక్ యాసిడ్ స్థాయిలను పెంచుతాయి. చిప్స్, నమ్కీన్ , బిస్కెట్లు, మ్యాగీ, సమోసాలు, పరాటాలు , పిజ్జా, బర్గర్‌లు మొదలైనవి తినకూడదు . బర్ఫీ, లడ్డూ, గులాబ్ జామూన్, రసగుల్లా లాంటి స్వీట్లు జోలికి వెళ్ళకండి .
1. కాల్షియం రాళ్లు
మీకు కాల్షియం రాళ్లు ఉంటే వా ఆక్సలేట్ అధికంగా ఉండే ఆహారాలు , సోడియం అధికంగా ఉండే ఆహారాలు, యానిమల్ ప్రొటీన్, కెఫిన్ పానీయాలు, ఆల్కహాల్ తో పాటు ఇవి కూడా తినవద్దు
ఆక్సలేట్ అధికంగా ఉండే ఆహారాన్ని పరిమితం చేయండి
మీరు కాల్షియం ఆక్సలేట్ రాళ్లకు గురయ్యే అవకాశం ఉన్నట్లయితే, పాలకూర, బచ్చలికూర, తోటకూర , మెంతి కూర , మునగ ఆకులు , చామకూర వంటి ఆకుకూరలకు దూరంగా ఉండాలి .
బీట్ రూట్స్ , బంగాళదుంపలు, చిలగడ దుంపలు వంటి ఆక్సలేట్‌లు అధికంగా ఉండే ఆహారాలను దూరం పెట్టాలి .
టమాటో , బెండకాయలు మరియు కాకరకాయలు తక్కువగా తీసుకోవాలి.
టమాటో సూప్ జోలికి అసలు వెళ్ళవద్దు .
చాక్లెట్ తినకూడదు.
బాదంపప్పు ,వాల్నట్, పిస్తా, వేరుశెనగలు ,జీడిపప్పు లు కూడా మితంగా తీసుకోవాలి.
టోఫు మరియు సోయా పాలు వంటి సోయా-ఆధారిత ఉత్పత్తులు చెప్పుకోదగ్గ మొత్తంలో ఆక్సలేట్‌లను కలిగి ఉంటాయి. కాబట్టి ఇవి కూడా వద్దు.
కాల్షియం సప్లిమెంట్లను వాడకూడదు. సప్లిమెంట్లను తీసుకోవడం కంటే సహజ ఆహార వనరుల నుండి కాల్షియం పొందడం మంచిది.
విటమిన్ సి సప్లిమెంట్స్
పెద్ద మోతాదులో విటమిన్ సి శరీరంలో ఆక్సలేట్‌గా మార్చబడుతుంది, ఇది కాల్షియం ఆక్సలేట్ రాళ్లకు దోహదపడుతుంది. పండ్లు మరియు కూరగాయలు వంటి ఆహార వనరుల నుండి విటమిన్ సి పొందడం ఉత్తమం.
కోలా పానీయాలు
కోలాస్‌లో ఫాస్పోరిక్ యాసిడ్ ఉంటుంది, ఇది మూత్రపిండాల్లో రాళ్ల ప్రమాదాన్ని పెంచుతుంది.
2. యూరిక్ యాసిడ్ రాళ్లు
మీకు యూరిక్ యాసిడ్ రాళ్లు ఉన్నట్లయితే కాలేయం, మూత్రపిండాలు మరియు స్వీట్‌బ్రెడ్‌లు వంటి అవయవ మాంసాల వినియోగాన్ని తగ్గించండి, ఎందుకంటే వాటిలో ప్యూరిన్లు ఎక్కువగా ఉంటాయి.
మటన్, బీఫ్ , పోర్క్ వంటి రెడ్ మీట్ తీసుకోవడం పరిమితం చేయండి.
మస్సెల్స్, స్కాలోప్స్, రొయ్యలు మరియు పీత లను కూడా తక్కువగా తీసుకోవాలి.
ఆల్కహాల్, ముఖ్యంగా బీర్, యూరిక్ యాసిడ్ స్థాయిలను పెంచుతాయి
చక్కెర ఆహారాలు మరియు పానీయాలను తగ్గించండి.
బ్రెడ్ మరియు బేకింగ్ వస్తువులు వంటి ఈస్ట్-రిచ్ ఫుడ్స్ తీసుకోవడం పరిమితం చేయండి.
బచ్చలికూర మరియు ఆస్పరాగస్ వాటిలో ప్యూరిన్లు కూడా ఎక్కువగా ఉంటాయి. మీకు యూరిక్ యాసిడ్ రాళ్లు ఉంటే వాటిని మితంగా తీసుకోవడం మంచిది.
3. స్ట్రువైట్ రాళ్ళు
మీకు ఇన్ఫెక్షన్ రాళ్ళు అని కూడా పిలవబడే స్ట్రువైట్ రాళ్ళు ఉంటే, అవి ఏర్పడకుండా ఉండాలంటే ఇన్ఫెక్షన్ రాకుండా చూసుకోవాలి.
సోడియం అధికంగా ఉండే ఆహారాలు, మాంసాహారం, ఆల్కహాల్, అధిక-ఆక్సలేట్ ఆహారాలు, అధిక ప్యూరిన్ ఆహారాలు, ఈస్ట్-రిచ్ ఫుడ్స్ తినకూడదు. కెఫిన్ కలిగిన పానీయాలు తక్కువగా తీసుకోవాలి. కొన్ని కృత్రిమ స్వీటెనర్లు మూత్రం యొక్క కూర్పుపై ప్రభావం చూపుతాయని కొన్ని అధ్యయనాలు సూచిస్తున్నాయి, కాబట్టి వాటి వినియోగాన్ని నివారించడం ఉత్తమం.
చేయవలసినవి
మూత్రపిండాల్లో రాళ్ల సమస్య ఉన్న వారు రోజుకి కనీసం 10 గ్లాసులకు తగ్గకుండా నీళ్లు పుష్కలంగా తాగాలి. అలాగని కూల్ డ్రింకులు తాగితే మాత్రం ఉపయోగం ఉండదు. గ్రీన్ టీ మేలు చేస్తుంది.
మధుమేహం మరియు మూత్ర మార్గము అంటువ్యాధులు వంటి పరిస్థితులు రాళ్లు ఏర్పడే ప్రమాదాన్ని పెంచుతాయి. డాక్టర్ సహాయంతో ఈ పరిస్థితులను తగ్గించుకోండి
ఊబకాయం వల్ల మూత్రపిండాల్లో రాళ్లు ఏర్పడే ప్రమాదం ఉంది. సమతుల్య ఆహారం మరియు క్రమం తప్పకుండా వ్యాయామం చేయడం ద్వారా ఆరోగ్యకరమైన బరువును ఉంచుకోండి.
