యూరిక్ యాసిడ్ అనేది మన శరీరంలో ఒక వ్యర్థ పదార్థం. కానీ మనకు ఎక్కువ ఉంటే, అది సమస్యలను కలిగిస్తుంది. శరీరంలో యూరిక్ యాసిడ్ ఎక్కువగా ఉన్నప్పుడు, అది ఎముకల్లోకి వెళ్లే స్ఫటికాలను తయారు చేస్తుంది. ఈ స్ఫటికాలు కాళ్ల వంటి పెద్ద కీళ్లలోకి వెళ్లి వాటిని చాలా బాధించేలా చేస్తాయి. యూరిక్ యాసిడ్ అనే సమస్య వుంటే చాలా నీరు త్రాగాలి. మరో విషయం ఏమిటంటే పీచు పదార్థాలు ఎక్కువగా ఉండే ఆహారాన్ని తినడం. మరియు ప్రతిరోజూ వ్యాయామం చేయడం కూడా చాలా ముఖ్యం. కొన్నిసార్లు దానిని నియంత్రించడానికి మనకు మందులు అవసరం కావచ్చు
సీరం యూరిక్ యాసిడ్ స్థాయిలను తగ్గించడానికి ఉత్తమమైన మందుల గురించి ఇక్కడ తెలుసుకుందాము
అల్లోపురినోల్ (Allopurinol)
గౌట్ కోసం అత్యంత సాధారణంగా ఉపయోగించే మందు అల్లోపురినోల్. అయితే వైద్యుని సలహాతోనే దీన్ని వాడాలి. ఇది శరీరంలో యూరిక్ యాసిడ్ ఉత్పత్తి పక్రియను తగ్గించడం ద్వారా పనిచేస్తుంది. గౌట్ ఎటాక్ ప్రమాదాన్ని తగ్గించడంలో ఇది చాలా బాగా సహాయపడుతుంది.ఇది సాధారణంగా రోజుకు ఒకసారి తీసుకుంటే సరిపోతుంది. ఎంత డోసు వేయాలన్నది వైద్యులను అడిగి తెలుసుకోవాలి. సాధారణంగా ప్రారంభంలో తక్కువ మోతాదును అంటే 100 మిల్లీ గ్రాములు వాడమని సూచిస్తారు. ఎందుకంటే, యూరిక్ యాసిడ్ స్థాయిలు అమాంతంగా తగ్గిపోతే, జాయింట్ పెయిన్ రావచ్చు.
యూరిక్ యాసిడ్ స్థాయిలు ఒక నెల తర్వాత మళ్ళీ చేయించుకోవాలి. స్థాయిలు సాధారణ పరిధిలోకి రాకపోతే 200 మిల్లీ గ్రాముల మోతాదు తీసుకోవాలి. యూరిక్ యాసిడ్ స్థాయిలను తగినంత తక్కువగా అంటే 6 మిల్లీ గ్రాములు కంటే తక్కువగా ఉంచడానికి సరిపోయే మోతాదును మనం తీసుకోవాల్సి ఉంటుంది . కొంతమందికి మందికి రోజుకు 400 నుండి 900 మిల్లీ గ్రాములు మోతాదు అవసరం పడొచ్చు . అల్లోపురినోల్ 100 మిల్లీ గ్రాములు మరియు 300 మిల్లీ గ్రాములు మాత్రలుగా అందుబాటులో ఉంది. యూరిక్ యాసిడ్ స్థాయిలు సాధారణ పరిధిలో వచ్చిన తరువాత మరియు గౌట్ దాడులు ఆగిపోయిన తర్వాత, మాత్రలను ప్రతిరోజూ యధావిధిగా ఎప్పటికీ కొనసాగించాలి. యూరిక్ యాసిడ్ స్థాయిలు తగినంత తక్కువగా ఉన్నాయని నిర్ధారించుకోవడానికి ప్రతి ఒకటి లేదా రెండు సంవత్సరాలకు ఒకసారి రక్త పరీక్షలు చేయించుకోవాలి.
ప్రతికూల ప్రభావాలు
అల్లోపురినోల్ (Allopurinol) అనేది సాపేక్షంగా సురక్షితమైన మందు, అయినప్పటికీ సైడ్ ఎఫెక్ట్స్ కొంతమందిలో సంభవించవచ్చు.
ఏదైనా యూరేట్ తగ్గించే చికిత్సను ప్రారంభించినప్పుడు , ముఖ్యంగా ప్రారంభ కొన్ని నెలల్లో తీవ్రమైన జాయింట్ పెయిన్స్ ఎక్కువగా కనిపిస్తాయి. దీనిని నివారించడానికి, రోగులు కొల్చిసిన్, నాన్‌స్టెరాయిడ్ యాంటీ ఇన్ఫ్లమేటరీ డ్రగ్ లేదా తక్కువ-మోతాదులో ప్రెడ్నిసోన్ వంటి మందుల‌ను అల్లోపురినోల్‌ను ప్రారంభించే ముందు లేదా అదే సమయంలో ప్రారంభించాలి
దద్దుర్లు, వికారం, వాంతులు మరియు అతిసారంతో సహా ఇతర జీర్ణశయాంతర ప్రతికూల ప్రభావాలకు కారణం కావచ్చు
రక్త సంబంధిత సమస్యలు మరియు ప్లేటిలెట్స్ తగ్గడం సంభవించవచ్చు.
మీరు తీసుకునే ఈ మందును విచ్చిన్నం చేసేది కాలేయమే. ఆ ప్రాసెస్‌లో కాలేయం ఔషధాలలోని ప్రమాదకరమైన పదార్థాలను నిల్వ చేస్తుంది.కొంతమందిలో ఇది కాలేయ ఎంజైమ్‌ల పెరుగుదలకు దారితీస్తుంది .కామెర్లు రావొచ్చు. అరుదైన సందర్భాల్లో ప్రాణాంతకమైన కాలేయ వ్యాధికి దారితీయవచ్చు.
ఈ మందును బయటకు పంపేది కిడ్నీ .అందుకే కిడ్నీ సమస్యలు ఉన్నవారికి తక్కువ మోతాదులను ఉపయోగించవలసి ఉంటుంది. అలాగే కిడ్నీ సమస్యలు ఉన్నవారిలో దుష్ప్రభావాల ప్రమాదం ఎక్కువగా ఉంటాయి. కొంతమందిలో దీనివల్ల కిడ్నీ ప్రోబ్లెంస్ రావొచ్చు.
తల తిరగడం , కండరాల నొప్పి , మరియు కండరాల బలహీనతకు కారణం కావచ్చు.
దద్దుర్లు, వికారం, తలనొప్పి , మరియు అజీర్ణం వంటి దుష్ప్రభావాలను కలిగి ఉంటే, వారు మాత్రలు తీసుకోవడం మానేసి, వైద్యుడి సలహా తీసుకోవాలి.
ఫెబుక్సోస్టాట్ (Febuxostat)
అల్లోపురినోల్‌కు ఫెబుక్సోస్టాట్ ప్రధాన ప్రత్యామ్నాయం. అల్లోపురినోల్ తీసుకోలేని కొంతమందికి ఫెబుక్సోస్టాట్ చక్కగా పనిచేస్తుంది. శరీరంలో యూరిక్ ఆసిడ్ లెవెల్స్ తగ్గించి గౌట్ వ్యాధి రాకుండా అడ్డుకుంటుంది. యూరిక్ ఆసిడ్ ఉత్పత్రి పక్రియను అడ్డుకోవడంలో ఇది దిట్ట.
అల్లోపురినోల్ కంటే ఎక్కువగా యూరిక్ ఆసిడ్ లెవెల్స్ తగ్గించడం జరుగుతుంది.
మూత్రపిండాల సమస్య ఉన్నా ఫెబుక్సోస్టాట్ వాడవచ్చు. ఇది రోజుకు ఒకసారి 40 మిల్లీ గ్రాములు తీసుకోవాలి. రెండు వారాల చికిత్స తర్వాత 6 మిల్లీ గ్రాములు/dL కంటే తక్కువ సీరం యూరిక్ యాసిడ్ స్థాయిని సాధించని రోగులలో వైద్యుడు ఫెబుక్సోస్టాట్ మోతాదును రోజుకు 80 మిల్లీ గ్రాములుకి పెంచవచ్చు. ఫెబుక్సోస్టాట్40 మిల్లీ గ్రాములు మరియు 80 మిల్లీ గ్రాముల టాబ్లెట్ రూపంలో అందుబాటులో ఉంది.
ఫెబుక్సోస్టాట్ (Febuxostat) కాలేయ పనితీరును ప్రభావితం చేయవచ్చు. దీనివల్ల కాలేయ ఎంజైమ్‌ల పెరుగుదల సమస్య తలెత్తడమేకాక అరుదైన సందర్భాల్లో కాలేయం దెబ్బతినవచ్చు.
తల తిరగడం, మరియు తలనొప్పి వంటి ఆరోగ్య సమస్యలు ఏర్పడవచ్చు.
అరుదుగా దద్దుర్లు మరియు అలెర్జీ కూడా రావొచ్చు.
అంతేకాకుండా కీళ్లలో నొప్పి రావొచ్చు
అరుదుగా హృదయ సంబంధ సమస్యలు, మరియు గుండెపోటు వచ్చే అవకాశం ఉంది
కొంతమంది వ్యక్తులలో దీనిని ఎక్కువగా వాడినప్పుడు కొన్ని కడుపుకు సంబందించిన సమస్యలు తలెత్తుతుంటాయి. ఉదాహరణకు అతిసారం, వికారం , వాంతులు,మరియు పొత్తికడుపు సమస్యలు సంభవించవచ్చు.